Пандемийлан кӧра, тоштер-влак пытартыш тылзылаште фонд-влак дене пашам ыштеныт, экспозицийым уэмденыт. Кужу жап дечын вара «Ший пӱан Ший Пампалче» («Сереброзубая Пампалче») марий йомак тоштер 14 июль гыч ончышо-влаклан выставке-влакым ончаш темла. Тӱссымыктыш тоштер тыгак тиде кече гычак икмыняр выставке дене палыме лияш темла. Тидын нерген тоштер-влак шке официал лаштыкыштышт уверым вераҥденыт. Тыгодым йомак да сӱретсымыктыш тоштерышке толшо-влак маске да перчатке дене лийшаш улыт, тоштерыште лийме годым 1,5 метр дистанцийым кучыман, иканашате 12 еҥ дечын шукын лийшаш огытыл. ИЗО тоштерыште робот-трансформер-влакын выставкыже, Николай Токтауловын ончерже, «Человек на войне» экспозиций да Йошкар-Олан кечыжлан пӧлеклалтше ончер. Шочмо гыч тӱссымыктыш галерейыште «Красный» выставке пашам ышта.
Комментариев: 0