Марий Элысе спортлан ямдылыше рӱдер 2021 ийысе эн сай спортсмен-влакым палемден. Конкурсыш йодмашым 22 спортсмен пуэн. Сеҥышым спортышто ойыртемалтше, таҥасымаш-влакыште ик гана веле огыл ончыл верыш лекше, республикын чапшым Россий да тӱнямбал кӱкшытыштӧ аралыше-влак коклаште ойыреныт. Мутлан, Мария Петуховам палемдаш лиеш. Тудо шуко ий полиатлон дене таҥаса, тӱнямбал первенствыште сеҥымашыже уло. Тыгак шахматист Максим Волковым саламлаш лиеш. Тудат Российын чемпионжо. Тылеч посна шке таҥаш группышто Дарья Садкова, Владислав Бырля да Михаил Бутин ойыртемалтыныт.
Комментариев: 0