Марий Элыште эше ик еҥ коронавирус инфекцийлан кӧра ӱмыр лугыч лийын. Тидын нерген «Стопкоронавирус.рф» сайт палдара. Пытартыш суткаште 29 еҥын тиде инфекцийым регистрироватленыт. Пандемий тӱҥалме дечын вара черланыше-влакын чотшо 3409 еҥышке шуын. Инфекционный стационарла гыч 73 пациентым эмлымеке, мӧҥгышт колтеныт. 46 еҥым госпитализироватленыт. Тазалыкаралтыш министерстве палдара. Стационарлаште 620 еҥ эмлалтеш, шуко пациентын пневмоний, 8 еҥ–шодын искусственный вентиляцийыштыже, 246 еҥ кислород полшымо дене шӱла.
Комментариев: 0