Йошкар-Оласе больницылан экстракорпоральной мембранной оксигенации (ЭКМО) аппаратым налыныт. Тудым акше 7 миллион наре теҥге. Тудым Россий Правительствын резерв фондшо гыч налыныт. Коронавирус инфекцийлан кӧра, талышныше пандемий годым пневмоний тӱрлӧ семын эрта. Чот неле пациент-влаклан шодын искусственный вентиляцийже огешат полшо. Тыгодым экстракорпоральный мембранный оксигенацийым ыштен кертыт. ЭКМО аппарат шодо олмеш пашам ышта, вӱдым кислород дене пойдара да углекислый газым луктеш. Тиде процедурым кӱкшӧ квалификациян врач-влак ыштат. Кызыт оласе больницын специалистше-влак у аппарат дене пашам ышташ тунемыт.
Комментариев: 0