Йошкар-Оласе троллейбус-влак пашам ыштыме жапыштым шуеныт. Эртыше арнян икмыняр маршрут дене коштшо троллейбус-влак эрдене эррак лектыныт. Йӱдымат 10 шагат деч вара икмыняр маршрут дене ешартыш троллейбусым колтымо. «Троллейбус транспорт» муниципал предприятийын сайтшын увертарымыже почеш, тиде вашталтыш калыкын кугу йодмашыж дене кылдалтын. Но тидын годым шотыш налаш йодыт: паша кечын да каныш кечын троллейбус-влакын коштмо графикышт ойыртемалтеш. Могай маршрут дене коштшо троллейбус дене жапым ешарыме нерген пален налнеда гын, «Троллейбус транспорт» предприятийын сайтыштыже ончалын кертыда.
Комментариев: 0