14:20, 22-06-2022Оршанка районышто у модельный библиотекым ыштат

Оршанка районышто у модельный библиотекым ыштат. Тӱвыра площадкым М.Шкетан лӱмеш рӱдӧ библиотеке негызеш келыштарат. Кызыт книгагудым тӧрлат. Тыгак мультимедийынй оборудованийым да мебельым налыт. Тӱвыра министр Константин Иванов палдарен: модернизаций дечын вара Оршанка районысо книгагудо еҥ-влаклан пырля чумыргымо да жапым пайдалын эртарыме вер лиеш. Ушештарена, регионысо икымше модельный библиотекым кок ий ончыч почыныт.