Шкетан лӱмеш марий кугыжаныш драме театр шке тургымжым мучашлыме годым, театрын ончычсо вуйлатышыже Юрий Петрович Русанов лӱмеш премийым кучыктен. Эксперт Советын палемдымыже дене тудым артист да журналист-влаклан кучыктат. Тений Юрий Русанов премийым М.Шкетан лӱмеш Марий драме театрын актёржо Иван Соловьев ден «Марий Эл» газетын тӱҥ редакторын алмашыштыже – Светлана Пехметовалан кучыктеныт. Театр тургымым мучашлыме годым тыгак театрын таумутшо дене артист, цехлаштыже тыршыше да журналист-влакым саламленыт, ты радамаште «МЭТР» телеканалын корреспондентше Вера Горохова да «Марий Эл Радион» журналистше Жанна Федорова.
Комментариев: 0