15:40, 22-07-2020Марий Эллан Российын резерв фондшо гыч 1 миллиард утла теҥге ойыралтеш

Марий Эллан Российын резерв фондшо гыч 1 миллиард утла теҥге ойыралтеш. Россий кугыжаныш думышто пандемий жапыште регион-влаклан полышым пуаш кӱлмо нерген йодышым ятыр гана нӧлталыныт. Поснак, Марий Эл гай дотационный манме кундем-влаклан. Тиде йодмашым депутат-влак кучем марте намиен шуктеныт. Мемнан Республикылан 1 миллиард 132 миллион теҥге оксам колтышаш улыт. Ынде Марий Элын виктерже ончылно кугу паша: федерал оксам кундемнан илышыжым саемдашлан чын да шот дене кучылташ.