15:54, 22-07-2020Ава капитал полшымо дене Марий Элыште илыште 80% утла еш шке илыш условийжым саемден

Ава капитал полшымо дене Марий Элыште илыште 80%  утла еш шке илыш условийжым саемден. Российын регионал пенсий фондшын увертарымыж почеш, ава капиталым шуко еш илыме верлан налме кредитым петырашлан кучылтын. Тыгак у пачерым але пӧртым налме да чоҥымо годым пайдаланен. Еш-влак кредит организацийла гоч капитал дене пайдаланен кертышт манын, Марий Эл республикысе пенсий фондын пӧлкаже банк дене вашкелшыкым пенгыдемда. Кызыт 8 кредит пӧлка дене кылым ыштыме – оксам кучылтмо дене кылдалтше заявленийым 13 еш пуэн. Ынде, илыме верым саемдаш шонышо еш-влаклан авакапиталым икымше взнос, процент але банкын тӱҥ парымжым тӱлаш кучылтмыжо нерген заявленийым возышаш.