Марий Элысе Виктерын черетан погынымашыштыже льгот эм-влакым жапыштыже да тӱрыс кондымо нерген каҥашеныт. Тазалык аралтыш министр Марина Панькован мутшо почеш, мемнан Республикыштына 9 934 еҥ льгот дене пайдаланен Федерал бюджет кӱшеш эмым налын кертеш. Тений тиде йодмашым шукташлан 381 миллион теҥге окса кӱлеш, но ты годым бюджет гыч 157 миллион гына ойыралтын. Кугыжаныш контрактын кугытшо 139 миллионыш шуэш. Республикысе бюджет кӱшеш льгот эмым 447 миллион теҥгелан налшаш улыт, тачысе кечылан 375 миллонлан кугыжаныш контрактым пеҥгыдемденыт. Регионысо льготник-влак радамыште 27 тӱжем 791 еҥ. Министр палемден, пытартыш жапыште эм-влак дифицит шижалтеш, тыгак южо лекартсве чот шергештын. Тидым шотыш налын, Марий Эл республикын вуйлатышыже сомылым жаплан шуктышо Юрий Зайцев льгот эм-влакым жапыштыже да ситышын кондаш кӱштен, тидлан тазалык аралтыш министерстве ӱмбалне улшо кугыжаныш лимит дене тӱрыс пайдаланен шуктыман. 
Комментариев: 0