Морко районысо кок школышто «Точка роста» рӱдерым ыштат. «Образований» нацпроект дене келшышын, кызыт пашам Морко 6-шо да Унчо школышто шуктат, оборудованийым 25 август марте конден шуктышаш улыт. Кодшо ийын «Точка роста» рӱдер-влак шинчымашым пуымо йӧным кумдаҥденыт, ты марте информатике, технологий да ОБЖ предметла дене ешартыш шинчымашым налаш полшеныт гын, тений физике, химий, биологий дене курс-влак почылтыт. Ешарен кодаш лиеш, Морко районышто «Точка роста» рӱдер кум школышто уло: Морко 1-ше, 2-шо школлаште, Коркатово лицейыште. Тений республикыште чылаже 20 утла школышто тыгай рӱдер лиеш. 
Комментариев: 0