Тачысе кечылан Марий Эл мучко 26 чодыра пожарым регистрироватлыме. Нунын кокла гыч 24 пожар кугыжаныш чодыра фондын кумдыкыштыжо лийын да 2 гана тул «Марий Чодра» национальный паркын кумдыкшым авалтен. Йӱлымо чумыр кумдык 11 гектарыш шуын. Республикысе пӱртус кучемыште тыршыше-влакын ойлымышт почеш, чодыра йӱлымын тӱҥ амалже – айдемын титакше. Тидын нергенак статистике ойла. 26 гыч 2 пожарже гына волгенче перыме амал дене тӱҥалын. Кодшо ий дене таҥастарымаште тений чодыра пожарын чотшо шагалемын. 2019 ийыште 38 пожар лийын.
Комментариев: 0