Кундемыштына 2 тӱжем утла еш ава капиталым йоча-влакым туныктымашлан колтен. Мут толмашеш, ты выплате дене тунеммылан веле огыл, тӱшкагудышто илымыланат тӱлаш лиеш. Икшыве элнан кеч-могай тунемме верыштыже шинчымашым поген кертеш, тыгодым тунемме учрежденийын шинчымашым пуаш келшыше лицензийже лийшаш. Весымат палемдыман, ава капиталым тунеммылан кучылташ – тунемаш пурымо годым икшыве 25 ийым эртышаш огыл. Тыгай йӧн дене пайдаланаш ача-ава йодмашым Пенсий фондышко пуышаш. Марий Элыште 25 тунемме заведений дене ойпидыш уло, нунын коклашке кум ВУЗ пура. 
Комментариев: 0