Марий Эл Телерадио » Марий Эл Радио » Йошкар-Оласе Благовещенский башньыште Юрино да Килемар район-влакын ончерышт почылтын

14:28, 24-07-2020Йошкар-Оласе Благовещенский башньыште Юрино да Килемар район-влакын ончерышт почылтын

Йошкар-Оласе Благовещенский башньыште Юрино да Килемар район-влакын ончерышт почылтын. «Поликультурная карта» проект кышкарыште тӱрлӧ район шке усталыкше, ойыртемже да тачысе кечылан шуктен шогымо пашаже дене палдара. 23 июль гыч кок пушкыдо районын пашаштым аклаш лиеш. Юрино район тӱҥ шотышто шке историйже дене палдара да ончерыш ожсо илыш дене кылдалтше вургем да арвер-влакым луктын. Тиде кундемын кумдыкыштыжо шукыжым руш-влак илат, сандене Юрино районын ончерже тиде кумдыкышто илыше руш-влакын йӱлашт, чиемышт, кучылтмо арверышт дене палдара. Килемар районын ончерыштыже гын Арда селан уста кидмастарже-влакын шке кид дене ыштыме, ургымо да тӱрлымӧ вургемым ужаш лиеш. Тыгак ончаш толшо калык пу гыч ыштыме тӱрлӧ арвер-влакым аклен кертеш. Килемар район шке уста сӱретчыже Константин Зайцевын усталыкше дене кугешна – сандене тудын пашаже-влакымат шке ончерышкыже пуртен.

Просмотров 499
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий