Баннер
Марий Эл Телерадио » Марий Эл Радио » Эртыше кечылаште «Эн сай чодыра руышо» конкурс эртен

14:39, 24-07-2020Эртыше кечылаште «Эн сай чодыра руышо» конкурс эртен

   Эртыше кечылаште «Эн сай чодыра руышо» конкурс эртен. Ушештарена, тиде конкурсым Пӱртӱс ресурс, экологий да йыр улшо средам аралыме министерстве Йошкар-Олан рӱдӧ площадьыштыже 2016-шо ий годсек эртара. Тений эпидемиологий ситуаций неле улмылан кӧра, конкурсым чодыра кумдыкышто эртареныт. Тушко чылаже 30 еҥ ушнен. Конкурсант-влак кокла гыч Марий Эл, тыгак пошкудо Чуваший, Татарстан, эсогыл мӱндыр Карелий, Брянск да Моско область гыч чодыра руышо-влак лийыныт. Эше ик оҥай татым палемдыман, тений тиде конкурсыш тыгак 2 ӱдырамашат ушнен. Тиде Чуваший гыч Галина Климкина да Марий Элын тале ӱдыржӧ – Оксана Копейкина. Конкурсыш ушнышо-влак икмыняр неле пашам шуктеныт: пырням йыгеныт, укш-влакым пӱчкеденыт. Конкурсын чыла йыжыҥжым эртымек, пале лийын: эн шуко баллым Марий Эл гыч Сергей Иванов поген, кокымшо верыш Андрей Кренёв лектын, а кумшо вер Павел Ивановлан логалын.  

Просмотров 544
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий