«Йоча тазалыкым вияҥдымаш да у инфрастуктур йӧным кучылтын медицин полышым пуымаш» регионысо проект кышкарыште, Морко да Медведево район-влакын рӱдӧ эмлымверын йоча пӧлкажым олмыктеныт. Тиде пашам шукташ 1 млн 300 тӱжем утла теҥгем ойыреныт. Тазалык аралтыш министерствын палдарымыж дене ты тӧнеж-влаклан пӧртарвер, вывеске, навигаций стенд, модыш, видеокамере-влакым налме. Медицин организаций-влак йоча пӧлка-валкым ачалыме пашалан контракт-влакым пеҥгыдемденыт, нунын акышт 13 млн. утла теҥгеш шуэш. План почеш капитальный олмыктымашым Волжск оласе эмлымверыштат эртарат. Тидлан 20 миллион утла тенге окса кайышаш. Медицин тӧнежыште окна-влакым вашталтышаш улыт, тыгак у электропроводко да коммуникаций йӧным пурташ палемдыме.Тиде пашам ковид-19 черын чакнымыж деч вара шуктышаш улыт. Ушештарена, тиде ийын регионал проектым илышыш шыҥдараш 177 миллион утла теҥгем ойырымо. Июль тӱҥалтышлан 48 миллион наре теҥге оксам кучылтмо.
Комментариев: 0