Похожие новости
Мы рекомендуем Вам зарегистрироваться либо войти на сайт под своим именем.
2022 ий мучаш марте Марий Элыште 250 тӱжем квадрт метр илымверым чоҥен шуктышаш улыт. Юрий Зайцев Йошкар-Оласе Фестивальный микрорайонышто социал учреждений-влакым чоҥымо йодышым шкежак эскераш тӱҥалеш. Тидын нерген Правительстве пӧртыштӧ эртаралтше совещанийыште каҥашеныт. Фестивальный микрорайонышто илыме пӧрт-влак дене пырля чоҥышо-влак кок йочасадым ыштышаш улыт ыле. Кажныже 180 верлан. Кумдыкым комплексно вияҥдыме шотышто ойпидышын жапше лектын, а объект-влак уке улыт. Тачысе кечын Фестивальный микрорайонышто план дечын 65 процент пӧрт-влакым нӧлтеныт, тушто шуко пачашан 22 пӧрт уло. Юрий Зайцев ешарен: кугу пӧрт-влакым чоҥымо дене пырля социал инфраструктуро объект-влакымат ыштыман, кумдыкым тӱзатыман. Тидым шотышко налын, рӱдӧ оласе администраций да инвестор-влак коклаште умылыдымашым лекше рашемдаш кӱлеш.
Комментариев: 0