15:31, 15-09-2022Кÿвар-влакым вес ийынат тöрлаш тÿҥалыт

Кÿвар-влакым вес ийынат тöрлаш тÿҥалыт. Марий Элыште чылаже 180 кÿвар шотлалтеш. Нунын кокла гыч 20-жо – аварийный состоянийыште. Тений Йошкар-Олаште Рÿдö кÿварым тичмашнек олмыктен шуктеныт. Вес ийлан Царьград проспектысе Вознесенский кÿварым тöрлаш палемдыме, тыгак Шернур трактыште Семеновко эҥер гоч кийыше кÿварым шотыш кондышаш улыт.