«Малые лестницы Козьмодемьянска» проект пашам кеҥеж мучаш марте мучашлышаш улыт. Ушештарена, тушто Марий Элысе муниципал образований кумдыкым шуарыме программым илышыш шыҥдарыме шотышто, 5 вере пу гыч тошкалтышым ыштат. Тыге олан Ӱлыл ужашыж гыч кӱшкӧ кӱзаш куштылгырак лиеш. Тыгай тошкалтыш-влакым Больнице корем гыч Октябрьский уремыш кӱзымаште, Разин уремым вончымаште да Свердлов уремын изуремыштыже кӱварым вераҥдат. Нунын кокла гыч иктыже – Шмидт уремыш вола, весыже Чкалов уремыш наҥгая, да тыгак вес тошкалтышыжым Пугачевын курыкшо уремыште, Чап обелиск ваштареш вераҥдат. Тыште пашам эше икмыняр ий ончычак ышташ тӱҥалме, но окса чӱдылан кӧра паша икмыняр жаплан шогалын. Тыгак у тошкалтышым Свердлов изуремыште пыштыме.
Комментариев: 0