Марий Эл Телерадио » Марий Эл Радио » Курыкмарий да Куженер районлаште эксплуатацийыш чылаже 3 газпучым пурташ палемдыме

18:05, 28-07-2020Курыкмарий да Куженер районлаште эксплуатацийыш чылаже 3 газпучым пурташ палемдыме

Тиде ийын Курыкмарий да Куженер районлаште эксплуатацийыш чылаже 3 газпучым пурташ палемдыме. Марий Элым вуйлатыше Александр Евстифеев кундемын газификацийже шотышто погынымашым эртарен. Республикын йӧнозанлык, экономикым вияҥдымаш да сатулымаш шотышто министр Станислав Крылов   «2019-2023 ийлаште марий элыште газификаций да газ пучым пуртымаш» программын пашаже нерген каласкален. Тудын палдарымыж почеш, 4 ияш программе дене, 13 муниципал образованийышке чылаже 447 наре меҥге кужытан газ пучым шупшаш палемдыме. Тыге «канде тул» 4800 утла пӧртлашке пурышаш. Тидлан 1 млрд. утла оксам ойыраш шонат. Программым финансироватлыме паша федерал, республикысе да муниципал бюджет полшымо дене ышталтеш. Кодшо ийын республикыште 87 меҥге утла кужытан газпучым эксплуатацийыш пуртеныт. План почеш, тиде, ончыл ий дене таҥастарымаште, 2,6 процентлан шукырак. Идалык мучко икмыняр газпучым эксплуатацийыш пуртышаш улыт, 1 – Курыкмарий районышто, 2 – Куженерыште. Тыге 25 илмыверыш «канде тул» пурышаш. Нине объект-влакын кужытшо 60 меҥгыш, акше - 179 млн. теҥгеш шуэш. Погынымаш жапыште тыгак Юрино да Килемар районлашке газпучым шупшмо нерген йодышым тарватеныт.

Просмотров 532
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий