Марий Эл Телерадио » Марий Эл Радио » Марий Элыште шагал парышан еш-влаклан газым пурташ полшат

12:01, 19-10-2022Марий Элыште шагал парышан еш-влаклан газым пурташ полшат

Марий Элыште шагал парышан еш-влаклан газым пурташ полшат. Республикын Социал вияҥмаш министерствыже документым ямдылаш тӱҥалын. Ушештарена, Владимир Путин регион вуйлатыше-влаклан нужнан илыше еш-влаклан газым пурташ 100 тӱжем теҥге дене субсидийым ойыраш кӱштымашым пуэн. Социал аралтыш министрын пашажым шуктышо Марина Островская палдарен, тидын радамышке шуко шочшан еш, инвалид, боевой действийын ветеранже, Чернобыльышто лийше, шагал парышан еш-влак логалыт. Кодшо арняште Марий Элыште ешартыш газификацийым илышышке шыҥдарыме шотышто пале лийын. Юрий Зайцев Сант-Петербургышто «Российысе энергетике арня» жапыште «Газпром» вуйлатыше Алексей Миллер дене келшымашым пеҥгыдемден. Документ дене келшышын, республикыште Юрино да Килемар районлашке газым пуртат, ты марте нине кундемлаште газ лийын огыл. 

Просмотров 306
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий