«Йыван Кырла. Путевка в жизнь» спектакльым Москваште ончыктышаш улыт.
Шыжым Москваште самырык режиссер-влакын «Артмиграция» фестивальышт эрташ тӱҥалеш. Тушто 100 йодмаш гыч 8-ым ойыреныт. Тиде радамыш Шкетан лӱмеш марий кугыжаныш драме театрын «Йыван Кырла. Путевка в жизнь» спектакльже пурен. Постановкым 14 сентябрьыште А.С. Пушкин лӱмеш драме театрыште ончыкташ шонат. Сценарийын авторжо да режиссержо – Степан Пектеев.
«Артмиграция» лӱман фестиваль икымше гана 2013-шо ийыште эртен. Тунам Российысе театр пашаен-влакын ушемыштын инициативышт почеш Москваште самырык режиссер-влак шке постановкыштым аклаш луктыныт. Тений фестивальышке Озан, Самара, Нижневартовск, Салават да моло олала гыч толшаш улыт.
Комментариев: 0