2023-шо ийлан «Марий Эл Республикыште тазалык аралтышын первичный звенон модернизацийже» программе почеш кок медицин тӧнеж аукционым увертарен. У оборудований-влакым налашлан 25 миллион утла теҥем кучылташ палемдыме. Тазалык аралтыш министерствын палдарымыж почеш Звенигово районысо рӱдӧ эмлыме верыш флюорографийлан рентген аппаратым налшаш улыт, а Козьмодемьянскысе район кокласе эмлыме верыш стационар рентген аппарат толшаш. Чылаже шушаш ийыште 15 шергакан медицин оборудованийым налаш палемдыме. Окса кугыт дене тиде 200 утла миллионыш шуэш. Йошкар-Оласе эмлыме верлашке у УХИ-аппаратым налыт гын, районлашке тӱҥ шотышто рентген аппарат-влакым кондышаш улыт.
Комментариев: 0