Правительствым да тудын коллегийжым пеҥгыдемдыме. Тидын шотышто Указышке кидпалыжым Юрий Зайцев пыштен. А Марий Эл Кугыжаныш Погынын сессийыштыже депутат-влак тудым сайлан шотленыт. Документ дене келшышын, регионысо правительствышке – Правительстве председатель, тыгак тудын кок икымше алмаштышыже, кум алмаштышыже, министр-влак да Марий Эл вуйлатышын администраций вуйлатышыже пурат. Правительствыште тыгак коллегийым ыштыме, тушто регион вуйлатыше, тудын алмаштышыже да администрцийын вуйлатышыже улыт. Марий Эл Кугыжаныш Погын 32-шо сессийыште правительстве еҥ-влакым пеҥгыдемден. Ушештарена, Правительстве председательын икымше алмаштышыже-влак семын Михаил Васютин да Евгений Кузьмин тыршат. Правительстве председательын алмаштышыже-влак Степан Воронцов, Александр Сальников, Дмитрий Троицкий.
Комментариев: 0