Погода в Йошкар-Ола:
Марий Эл Телерадио » Марий Эл Радио » Республике правительствын заседанийже кодшо арняште Козьмодемьянскыште эртен

13:26, 10-08-2020Республике правительствын заседанийже кодшо арняште Козьмодемьянскыште эртен

Республике правительствын заседанийже кодшо арняште Козьмодемьянскыште эртен. Совещанийын пашашкыже моноола-влак фондын вуйлатышыже Андрей Баранов ушнен.  Заседанийыште олан вияҥмашыже нерген да республикыште ыштышаш паша  шотышто ойленыт. Вес ийын Козьмодемьянскыште шуко пачеран у пӧртым ыштат. Тазалыкаралтыш министр проектым ыштыме годым, тиде олашке пашам ышташ толшо врач-влаклан пачерым ыштыме шотышто, шоналташ темлен. Заседанийыште докладым туныктыш да шанче министр Наталья Адамова ыштен. «Образований» национальный проект дене школ-влакым чоҥат, тунемме вер-влакын материально-технический базытым пойдарат. 2021 ийыште Марий Турек Сардаялыште 60 верлан у школым да Медведево поселкышто 825 верлан у тунемме верым ышташ тӱҥалыт. Республикыште кокымшо сменым пытараш индеш школ дечын шагал огыл ыштыман. Правительстве еҥ-влакын заседанийышкыже Федераций Советын еҥже Константин Косачев ушнен, тудо Кӱшыл палатын постановленийжым шуктымо нерген ойлен. «Таче кечын палемдыме гыч пелыжым ыштыме», - иктешлен сенатор. 

Просмотров 127
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий

  • Кликните на изображение чтобы обновить код, если он неразборчив