Марий Элыште культур да сымыктыш шотышто тунемме кластерым ыштат. Тудо ты отрасльлан специалист-влакым ямдылаш тӱҥалеш. Тӱҥ шотышто нациоанльный президентский школ-интернат, национальный президентский сымыктыш школым Палантай лӱмеш тӱвыра да сымыктыш колледж деке ушымо дене реорганизацийым ыштат. Тидын нерген тӱвыра, печать да калык-влакын пашашт шотышто министр К.Иванов Козьмодемьянск олаште эртыше правительстве заседанийыште увертарен. Реорганизаций у интегрированный программым илышышке пурташ, тыгак тунеммашым кок этап дене виктараш полша. Тыгай опыт икмыняр регионышто уло. Марий Элыштат тидлан сай пример уло. Профессионал балет школлан кодшо ийын 20 ий лийын. Таче кечын Э.Сапаев лӱмеш академический опер да балет театрын балет труппыштыжо мемнан кундемыште тунемын пытарыше специалист-влак. Тӱвыра да сымыктышлан специалист-влакым ямдылаш тунемме кластерым Туныктыш да шанче министертсве дене пырля ышташ тӱҥалыт, воза республикын тӱвыра, печать да калык-влакын пашашт шотышто министерстве.
Комментариев: 0