«Земский туныктышо» программе дене йодмашым апрельын кокымшо пелыже марте налыт. Вес кундемышке туныктышылан пашам ышташ каяш кумылан-влак 15 апрель марте йодмашым возышаш улыт. Тиде программе дене илымверым да паша верым вашталтышылан 1 миллион теҥгем пуат. Программышке 55 ий марте педагог-влак ушнен кертыт, нуно ял але селаште 5 ий пашам ышташ ямде лийшаш улыт. Кодшо ийын республикыште тиде программе дене 52 йодмаш пурен, мемнан кундемышке 11 педагог «Земский учитель» семын пашам ышташ толын. Марий Элысе школлаште тиде программе дене 102 вакансий уло.
Комментариев: 0