Баннер
Марий Эл Телерадио » Марий Эл Радио » Марий Элыште посна ямде улмо шотышто режимым 6 сентябрь марте шуэныт

16:54, 12-08-2020Марий Элыште посна ямде улмо шотышто режимым 6 сентябрь марте шуэныт

Марий Элыште посна ямде улмо шотышто режимым 6 сентябрь марте шуэныт. Регион вуйлатыше А.Евстифеев тидын нерген коронавирус инфекцийым шижтарыме шотышто оперативный штабын черетан заседанийыштыже увертарен. Указын проектшым Роспотребнадзор сайлан шотлен. Таче кечын республике коронавирус инфекций шарлыме годым чарымашым кораҥдыме кумшо этапыште, кундемыште чыла гаяк предприятий пашам ышта, физический лица-влакланат чарымаш уке гаяк. Тыгодым маскым чийыман, тӱшка мероприятий огыт лий. Марий Элыште COVID-19 0,8 процентыште шарла, пытартыш кок арняште 100 тӱжем еҥлан 114 тестым ыштат. 16 июль гыч стационарлаште улшо вер гыч 50 процентше яра. Тазалык аралымаш министрын алмаштышыже  Татьяна Королева заседанийште палемден. Стационарлаште эмлалтше-влак гыч утларакшын пневмоний, ИВЛ аппаратыште эмлалтше-влакын чотышт шагалемеш,  тыгодым пытартыш кечылаште эмлымверлаште неле сотоянийыште пациент-влак шукемыт. Оперативный штабын заседанийштыже грипп да ОРВИ деч вакцинаций нерген ойленыт, тудым лишыл жапыште тӱҥалыт. Марий Элыште план дене 375 тӱжем еҥлан привикым шындышаш улыт, тиде 75 %, медицин пашаеҥ да образований учрежденийлаште пашам ыштыше-влак коклаште грипп дечын вакцинаций 85-90% шуышаш.  
Просмотров 583
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий