Россий Президент Владимир Путин Федеральный Собранийлан Посланийжым ойлен. Президент элын вияҥме корныжо, тыгак спецопераций нерген каласен, доброволец, мобилизованный, сарзыеҥ, федерал орган-влакын пашаеҥыштлан тауштен. Российыште СВО-н участникше да нунын ешыштлан полшышо фондым ыштат. Кугыжаныш фонд адресно ик вере чыла полышым пуаш тӱҥалеш, тудын структурыжо-влак чыла регионыштат лийыт. Владимир Путин тыгак элын вияҥмыже нерген ойлен, тидын радамыште ОПК предприятий-влакын пашеҥыштлан пачерым айлаш лӱмын программе лиеш, газификаций программымат шуят. Тыгак IT-продуктым налше российысе компаний-влаклан налогым шагалемдат. 1 январь гыч Российыште МРОТ-ым 18,5 процентлан кугемдат, тудо 19 тӱжемат 242 теҥге лиеш.
Комментариев: 0