Январь тылзыште мемнан кундемыште йӧнозанлык производство южо показатель дене ончыко каен. Тидын радамыште ошмам ыштен лукмаште. Тиде данный дене Маристат йӧнозанлык производствын лектышыжым шымлен, палдара. Обрабатывающий производствышто напиткым 2 пачаш утларак лукташ тӱҥалыныт. Резин да пластмасс ӱзгарым 2 пачаш наре шукырак ыштеныт. Транспортым 26 процентлан, компьютер, электрон да оптике арверым 24 процентлан шукырак луктыныт. Нефть продукцийым январьыште йӧршеш ыштыме огыл. Кагазым да мебельым лукмаш волен. А теве электроэнергетический, шокшым да газым пуышо системыште производство 2 процентлан кушкын.
Комментариев: 0