1 апрель гыч школлаште икымше классыш тунемаш колтымо нерген йодмашым налыт. Тиде кампаний 30 июнь марте шуйна. Кызыт йодмашым илыме вер шот дене налыт. 6 июль гыч 5 сентябрь марте кеч-могай школышко пуаш лиеш. Вер лиеш гын, икшывым налшаш улыт. Йодмашым «Кугыжаныш услуго» сайт гочат пуаш лиеш. Тушто заявленийым возен, келшыше документым пырля колтыман. Вашмут 30 июнь деч вара личный кабинетышке 3 паша кече жапыште толеш. Тыгак йодмашым туныктыш услугым пуышо порталыште, шкеак школышко миен але школын сайтше гоч пуаш лиеш. 
Комментариев: 0