Марий самырык театрын реновацийжым 2024 ий марте ыштен шуктышаш улыт. Театрын зданийжым «Культура» нацпроектышке пуртеныт. Тиде да вес ийлан 593 миллион теҥгем ойырат, тений 275 миллион теҥгем колтат. Кок ий жапыште театрын тӱжвал сынжым ик сынаным ыштат – йошкар кермыч дене комыжлат, леведышыже ужар тӱсан лиеш. Тыгак конструкцийыште улшо ситыдымашым тӧрлат, леведышым саемдат. Курчак театрын ончычсо зданийжым 1989 ийыште ыштеныт. Тиде жапыште тудо тоштемын: южо вере пырдыж шелышталтын, леведыш гыч вӱд йога, фасадын отделкыже каткалалтеш.
Комментариев: 0