Марий Эл Телерадио » Марий Эл Радио » Марий Эл гыч еш-влак «Идалыкын ешыже» Российысе конкурсышто сеҥыше радамышке лектыныт

13:54, 24-08-2020Марий Эл гыч еш-влак «Идалыкын ешыже» Российысе конкурсышто сеҥыше радамышке лектыныт

Марий Эл гыч еш-влак «Идалыкын ешыже» Российысе конкурсышто сеҥыше радамышке лектыныт. Федерал этапышке Российын 83 субъектше гыч 342 йодмаш пурен. Еш-влакым вич номинаций дене акленыт. Шернур район Шокшем ял гыч Малининмыт «Ялысе еш» номинацийыште сеҥеныт. Иван Алексеевич ден Светлана Михайловна пырля 27 ий илат, Элина, Надежда ӱдыр-влакым, Даниил эргым куштат. Малининмыт икте-весылан полшен илат, ял озанлыкым вияндат, верысе калыкланат полыш кидым шуялтат. «Еш йӱлам аралыше» номинацийыште Волжский район гыч Кудрявцевмыт еш ойыртемалтын. Нунын ешыште вич икшыве, шке калыкын йӱлаж деке нуным шӱмаҥдат. Лауреат-влакым шыже мучаште Москваште саламлат. 

Просмотров 512
    • Нравится
    • 0
Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Комментариев: 0

Добавить комментарий