Марий Элыштат «Кино йӱд» российысе акций лиеш. 29 августышто кастене да йӱдым кумылан-влак российыште лукмо кум кином яра ончен кертыт. Тиде режиссер Клим Шипенко дене ыштыме «Холоп» комедий, Жора Крыжовниковын «Лёд 2» спортивный мелодраме, тыгак режиссер Дарина Шмидт дене сниматлыме «Иван Царевич и Серый Волк 4» анимационный фильмым аклен кертыт. Йошкар-Олаште акций «Дубки» микрорайонышто Россий Армий тӱвыра полатыште, тыгак «Октябрь» да «Синема-Эл» кинотеатрыште лиеш. «Кино йӱд» Куженер, Морко, Килемар, Медведево, Звенигово районлаште да Волжск олаште эрта. Чыла площадкылаште Роспотребнадзорын темлымашыжым шотышко налыт.
Комментариев: 0