У Торъял районышто ожно годсо автомашинам погышо, коллекционер-влак чумыргат. «Торъяльский фордзон» ретротехнике фестиваль тений кок этап дене эрта. Икте – заочно, кокымшо – очно. Ушнаш шонышо-влак 11 сентябрь марте шке техникышт нерген видеом возышаш улыт. Очный этап 12 сентябрьыште эртышаш. Ретроавтомашина-влакым ончыктымо дене пырля, толшо-влакым пайрем программе вуча. Организатор-влакын палемдымышт дене, фестивальым эртарыме жап вашталтын кертеш. Ешарена, ретроавтомашина-влакын фестивальже республикыште «Событийный туризм сферыште мероприятий» номнацийыште регион вуйлатышын грантшым сеҥен.
Комментариев: 0