Приволжский поселкышто у физкультур-спорт комплексым 1 ноябрь марте ыштен шуктышаш улыт. Александр Евстифеев Волжский районышто лийын. Проект дене у физкультур комплексыште бассейн, спортзал, тренажерный зал лийыт. Таче кечын объект 70 % ямде. Чоҥымаш, архитектур да илымвер-коммунал озанлык министр Михаил Степанов регион вуйлатышылан увертарен. Зданий кӧргыштӧ штукатуркым ыштеныт, сантехнике пашам шуктеныт, канализицийлан пучым шупшыныт. 1 октябрь марте котельныйым кондышаш улыт, вара тушто шокшо лиеш. Чоҥымо дене пырля, ФОК воктене кундемым тӱзатат. Объектым 2012 ийыште чоҥаш тӱҥалыныт, садланак кужун ыштыме дене нелылык-влак улыт. Кодшо ийын Республике Правительстве да «Газпром трансгаз Нижний Новгород» ойпидышым ыштеныт, тудын дене финансирований ойыралтын. «1 ноябрь - объектым ыштен шуктымаш веле огыл, а тудын пашам ышташ тӱҥалме жапше лийшаш»,- регион вуйлатыше тидын нерген палемден.
Комментариев: 0