17:25, 26-08-2020Марий Элыште эше ик еҥ коронавируслан кӧра ӱмыр лугыч лийын

Марий Элыште эше ик еҥ коронавируслан кӧра ӱмыр лугыч лийын. Оперативный штабын данныйже дене, пандемий тӱҥалме дечын вара республикыште 4178 еҥын инфекцийым пеҥгыдемденыт, 38 еҥ колен. Эртыше суткаште лабораторно 17 еҥын коронавирус пеҥгыдемдалтын, 28 еҥ тиде чер лийын кертме лӱдыкшӧ дене эмлымверышке логалын. 26 август эрлан стационарлаште 260 эмлалтеш, 103 пациентын коронавирус пеҥгыдемдалтын, 254 еҥын пневмоний, 83 еҥ нелын черле.