«Моско марий тӱвыра рӱдер» республикысе Марий тӱвыра рӱдер дене пырля кызытсе марий муро да сем конкурсым увертарен. Текстым да музыкальный произведенийым возышо автор, тыгак посна, мужыр, тӱшка дене йоҥгалтарыше-влакым тушко ушнаш ӱжыт. Конкурсыш мурым але музыкальный произведенийым йоҥгалтарыман видеом колтыман. Сеҥышым жюри веле огыл, интернет тӱняште «коштшо» да колыштшо, ончышо-шамычат ойыраш полшат. Конкурсышто ойыртемалтшылан конкурсын спонсоржо видеоклипым ышташ 100 000 теҥгем кучыкта. Тудым Москваште возаш тӱҥалыт. Ойыртемалтше 10 участникым Марий тӱвыра рӱдерат палемда.
Комментариев: 0