11:54, 27-08-2020Килемар районышто «Территория согласия» калык-влак кокласе форум тӱҥалеш

Килемар районышто тиде каныш кечылаште «Территория согласия» калык-влак кокласе форум тӱҥалеш. Тушко мемнан регионышто илыше 15 калыкын еҥышт чумыргат. Организавтор-влак палемдат, активист-влак икте-весе кокласе кыл, пырля ыштыме проект нерген каҥашат, этнокультур пашам радамлат. Калык-влак кокласе форумлан пӧлеклалтше проект федерал бюджет гыч «Реализация государственной политики» программе дене субсидийым налын. Марий Элыште 50 наре тӱрло калык ила, эн тӱшка -марий, руш, татар-влак.