Йошкар-Олаште магистральный объездной корным улшо план дене келшышын ыштат. Регион вуйлатыше А.Евстифеев Киров-Строителей уремым ушышо корным ыштымаште лийын. Ик арня ончыч регион вуйлатыше генеральный подрядчиклан «дорожный картым» жапыште огыл шуктымо шотышто шижтарен. Тунам А.Евстифеев пашам писештараш да график дене келшышын шукташ кӱштен. «Сентябрь мучаш марте ошмам конден шуктат. Техникым шукемдат. Нылымше опоро дене свай-влакым кыреныт. Визымше опоро дене пашам «Мостремстройлан» пуат». Тидын нерген регионын ончылеҥжылан «Марийскавтодор» предприятийын генеральный директоржо Евгений Козырев ойлен. Проект-смете документацийым ыштыме шотыштат ойленыт. У магистарльный корным ыштымеке, илыме район да промышленный район-влак кокласе кыл ышталтеш. Пашам 4 ий шуктышаш улыт, нуным «Лӱдыкшыдымӧ да сай качестван автомашина корно» национальный проект дене ыштат.
Комментариев: 0