Похожие новости
Мы рекомендуем Вам зарегистрироваться либо войти на сайт под своим именем.
Марий Элыште илымверым чоҥымаш сайын кая. Тидын нерген Юл кундемысе федерал округын вуйлатышышт дене эртарыме совещанийыште Россий Правительстве Председатель Марат Хуснуллин палемден. Регион-влакын социал-вияҥмаш шотышто йышке Марий Элын вуйлатышыже Александр Евстифеев ушнен. Тӱҥ шотышто «Илымвер да оласе среда», «Лӱдыкшыдымӧ да сай качестван автомшина корно», тыгак аварийный илымверла гыч еҥ-влакым кусарыме программе нерген ойленыт. Тений Марий Элыште 420 тӱжем квадрат метр илымверым чоҥышаш улыт. Тиде кодшо ийысе дечын шукырак. Аварийнылан шотлалтше илымвер гыч еҥ-влакым кусарыме нерген ойлаш гын, республикыште адресный программе уло. Тудым 2025 ий марте ыштеныт. 2017 ий 1 январь марте аварийнылан шотлалтше 400 пӧртла гыч еҥ-влакым у илымверышке кусарышаш улыт. Программын икымше этапыштыже паша ныл районышто кая: Йошкар-Ола, Звенигово, Медведево, Советский. 1 августлан 234 еҥым у илымверышке кусареныт. Тений идалык мучаш марте чылаже 514 еҥ у пачерышке кусна. Программын кокымшо этапше 2020-2021 ийлан палемдалтын. Тудым кум муниципал районышто илышышке пуртат: Йошкар-Ола, Волжск, Советский район.
Комментариев: 0