Школ да йочасадлаште у тунемме ий вашеш дезинфекцийым ыштеныт. Тидым регион вуйлатыше Александр Евстифеевын кӱкштымашыже дене шуктеныт. Тиде паша йоча-влак коклаште коронавирус инфекцийым шижтараш кӱлеш. Йошкар-Олаште санобработкым 31 школ, 60 утла йочасад да нунын воктенсе кумдыкым ыштеныт. Республикын правительствыштыже ешарат, обработкым лӱмын раствор дене ыштеныт, тудым Роспотребнадзор темлен. Тудо еҥ-влакланат, янлыкланат лӱдыкшыдымӧ. Генеральный уборкым школлаштат ыштеныт. Тыгак кажне тунемме верышке южышто микроб ден вирусым пытарыше лапме, дозатор дене антисептик лийыт. Школышко пурымаште фильтр лиеш, кажне тунемше да туныктышын температуржым висат. Кажне класс ик кабинетыште тунемаш тӱҥалеш. Школышто йӧн уло гын, пурымо вер тӱрлӧ лиеш, тыгак тунемме жап тӱҥалтыш ойыртемалтеш.
Комментариев: 0