Йошкар-Оласе аэропортышто у терминалым ышташ палемдат. Тидлан оксам федерал бюджет гыч ойырышаш улыт. Кугыжаныш погын депутат-влакын заседанийште транспорт да корно озанлык министр Александр Герасименко увертарен. Кызыт чоҥымашым тӱҥалме шотышто келшымашым ыштат. Аэропортын пашам уэш ышташ тӱҥалмыже дечын вара 9300 пассажирым шупшыктеныт. Кокла шот дене Москвашке але Москва гыч Йошкар-олашке 21 еҥ каен-толеш, Петербургышко 33 еҥ чоҥешта. Заседанийыште автовокзалым ыштыме йодышым нӧлталыныт. Тудым ыштыме пашам республикын социал-экономике вияҥмаш шотышто индивидуальный программышке пуртымо. Тудым ышташ верым палемденыт.
Комментариев: 0