Республикысе курчак театр шке тургымжым тӱҥалын. Корней Чуковскийын йомакше дене «Крокодил» спектакльым луктыныт. Тудым «Театры-детям» федерал проект дене шынденыт. Спектакльым Кострома гыч режиссер Михаил Логинов шынден. Ты марте тудо Йошкар-Оласе театрыште 2017 ийыште «Бамбуковый остров» спектакльым ямдылен. У постановкым шындымаште кок сӱретче пашам ыштен: Алексей Митрофанов да Любовь Беневоленская. Спектакльым видеопроекций, сылне сем, хореографий сылнештара. Лишыл жапыште курчак театрыште эше ик премьере лиеш. Татьяна Батракова «Про лося» спектакльым йоча-влаклан шында.
Комментариев: 0