Шанче да профессионал кадрым ямдылымаш, тыгак национальный проект-влакым илышышке пуртымо, да регионын экономикыжым вияҥдыме шотышто шанче пашам виктарыме йодыш-влакым черетан вашлиймаште каҥашеныт. Тудым регион вуйлатыше Александр Евстифеев «Юл кундемысе технологический университетын» туныктышо да ончылъеҥышт дене каҥашен. Тений тиде кӱшыл тунемме верыште бакалавриатыште очно тунемше-влаклан бюджет верым шукемденыт. «Экономике да управлений» виктыш дене 45 вер ойыралтын. Туризм сферылан специалист-влакым 40 еҥлан шукырак ямдыленыт. Пытартыш кум ийыште бакалавриат да специалитетыште бюджет вер 450-лан шукемын. Юлтех инженерий, IT-сфере, ялозанлык, чодыра озанлыклан специалист-влакым ямдыла. Ончыкыжым тиде кӱшыл тунемме вер национальный проект-влакым илышышке пуртымаште утларак тӱткышым ойыраш тӱҥалеш, тыгак тунемме верыште нацпроект-влаклан пӧлелклалтше конференцийым эртараш кутырен келшеныт.
Комментариев: 0