16:46, 7-09-2020Килемар районысо Визимьярыште у йочасад шке омсажым почеш

Килемар районысо Визимьярыште у йочасад шке омсажым почеш. Тудо Новый урем 1 «Б» адрес дене верланен. Тушто 50 верым ыштеныт. У зданийыште пищеблок, медицин блок, музыкальный да методический кабинет-влак улыт. Йочасадым у мебель да инвентарь дене пойдарыме. Йоча-влакым кок группышко чумыреныт, тушко 3 ияш марте изи ньога-влак коштыт. Таче кечын тушто 3 воспитатель, кугурак воспитатель, музыке дене пашаеҥ да физический культур ден инструктор пашам ыштат.