Боксер-влак у залыште шуаралтын кертыт. «Олимпиаде эҥертыш семын лӱмын ямдылыше тӱрлӧ видан спорт школын» бокс пӧлкаже «Лесмаш» спорт залышке куснен. Тудо Йошкар-Оласе Суворов уремыште верланен. Ты марте спортсмен-влак дзюдоист-влак дене пырля ик залыште шуаралтыныт. Спорт, туризм да самырык-влакын политикышт шотышто министерствын тыршымашыжлан кӧра спортсмен-влаклан шуаралташ сай йӧн ышталтын. Эрге йоча-влак дене пырля тренировкышко ӱдыр-влакат коштыт. Нунын дене опытан тренер-влак пашам ыштат. Бокс – тиде кап-кылым пенгыдемдыше спортын ик видше, тыгак тудо уш-акылымат вияҥда.
Комментариев: 0