Ондалалтше дольщик-влакын йодышышт рашемммыштым регион вуйлатыше А.Евстифеев эреак терга. Регион вуйлатыше Йошкар-Олаште чоҥен шуктыдымо объект-влакым ончен. Тиде Красноармейский да Первомайский уремлаште пӧрт-влак. «Оршанский» микрорайонышто 84 пачеран пӧрт дене пай дене чоҥаш 31 ойпидышым ыштеныт. 10 августышто у чоҥышо дене келшымашым ыштеныт. Чоҥышо организацийын вуйлатышыже Руслан Маталиев регион вуйлатышылан ыштыме паша нерген ойлен. Пашам кузе ыштымым аклен, шокшым пуышо, вӱд пуч да канализаций системын демонтажшым ышташ кӱлмым палемденыт. Кызыт вентиляций системын монтажшым ыштат. Регион вуйлатыше Гомзово микрорайонышто Анциферов-Красноармейский урем гыч 106 пачеран пӧртын 2-шо черетшым ончалын. Тушто 5 гражданын праважым пудыртымо. Июльышто чоҥышо объектын реконструкцийжым тӱҥалыныт. Кызыт 4-ше пачашыжым ыштат. Пӧртым идалык мучаш марте ыштен шуктышаш улыт.
Комментариев: 0