Шернур рӱдӧ эмлымверышке «Земский доктор» программе дене участковый терапевт пашашке толын. Тудо 1 сентябрь гыч Казанский врачебный амбулаторийыште пашам ышта. Йошкар-Олаште шочшо еҥ медициныште 30 ий пашам ышта, ты марте вашкеполыш станцийыште фельдшерлан пашам ыштен, тений Марий кугыжаныш университетыште «Лечебное дело» специальность дене тунемын пытарен. Тений «Земский доктор» программе дене Шернур рӱдӧ эмлымверышке толын. Район администрацийын тыршымыже дене врачлан Казанский селаште служебный пачерым пуэныт. «Земский доктор» программе республикыште 2012-шо ий гыч илышыш шыҥдаралтеш. 2018 ий гыч «Земский фельдшер» программе уло. Пытартыш 8 ийыште республикыште 100 утла специалист дене ойпидышым ыштеныт.
Комментариев: 0