Ким Васин лӱмеш Шернур районысо библиотеке пелен Шернур посёлкысо тунемше-влакын волонтёр тӱшкашт уло. Тудым июль тылзыште чумыреныт. Лач тиде жапыште библиотекарь-влак шке проектыштым Марий Эл Республикым вуйлатыше Александр Евстифеевын шке кумылын волонтер-влаклан полышым пуымаште увертарыме конкурсыш колтеныт. Тушто «Посна полыш кӱлман граждан-влак дене поро кумыл пашам ыштыме» номинацийыште «ЗаДело» проектыштым сайлан шотленыт да 14 ияш йотке ийготан икшыве-влакым тӱшка паша дене авалташ оксам ойыреныт. Кодшо кечылаште тиде проектым илышышке пурташ тӱҥалыныт. Волонтер-влак Чумбылат курыкышко миен коштыныт. Тидын нерген книгагудын социал кылысе тӱшкаже увертара.
Комментариев: 0